Последние публикации

Алты кыргызстандык Россияга мыйзамсыз кириш үчүн поездден секирип кетишкен

Алты кыргызстандык Бишкек - Москва каттамы боюнча жүрүп бара жаткан поездден Россиянын чегарасын мыйзамсыз кесип өтүү максатында секирип кетишкен. Бул тууралуу бүгүн, 21-ноябрда "Интерфакс" маалымат агенттиги Россиянын Федералдык коопсуздук кызматынын Оренбург областы боюнча чегара башкармалыгынын басма сөз кызматына шилтеме кылуу менен маалымдады

Окуя кечээ күнү Россиянын чегара бекетинен алыс эмес жерде, Акбулак областынын Акбулак районунда болгон. Кыргызстандыктар составдан поезд мамлекеттик чегараны кесип өтүп, өткөрүү бекетине жакын калганда секирип кетишкен.

"Секирген маалда бир аял башынан жаракат алган. Жашырынууга аракет кылган кезде тартип бузуучулар чегара наряды тарабынан кармалды. Жабыр тарткан жаран шаардык ооруканага жеткирилди жана ага медициналык жардам берилди", -деп маалымдаган басма сөз кызматы.

Чегарачылар кармалгандар Россияга эмгекке орношуу максатында мыйзамсыз кирүүгө аракет кылышканын такташты. Сот чет элдиктердин ар бирине 2 миң рублден айып пул салды жана Россиянын чегинен чыгаруу тууралуу токтом кабыл алды.

Ссылка на оригинал публикации : www.kabarordo.kg

Только зарегистрированные пользователи могут оставлять комментарии. Если у вас есть аккаунт на сайте, пожалуйста, войдите.
Только зарегистрированные пользователи могут отправлять запросы в Комиссию по рассмотрению жалоб на СМИ. Если у вас есть аккаунт, пожалуйста войдите.

Пока ни одного комментария...