Последние публикации

ЖК комитети Ош шаарында диний экстремизмге жана эл аралык терроризмге каршы аракеттенүү маселесин талкуулап жатат

Жогорку Кеңештин Коргоо жана коопсуздук комитети бүгүн, 17-ноябрда Ош шаарында диний экстремизмге жана эл аралык терроризмге каршы аракеттенүү маселесине арналган көчмө жыйын өткөрүүдө. Бул тууралуу ЖКнын басма сөз кызматы билдирди.

Тармактык комитеттин төрагасы Алмазбек Баатырбеков, диний чөйрөдө түзүлгөн кырдаалды талдоолор көрсөткөндөй, диний экстремизм менен эл аралык терроризм көрүнүштөрү күчөп бараткан учурда бул көчмө жыйын өтө мааниси зор, деп эсептейт. «Диний багытта адистер менен бирге иштелип чыккан бирдиктүү программанын алкагында жаштар арасында түшүндүрүү иштерин жүргүзүү зарыл», - деди ал.

Комитеттин мүчөлөрү Кыргызстандын аймагында көмүскө иш жүргүзгөн эл аралык экстремисттик уюмдар тарабынан өлкөдө диний экстремизмдин идеяларын жайыртуу аракеттери пайда болгонун, алар өз иштеринде компьютердик технологиянын акыркы жетишкендиктерин пайдалануу менен, Инттернет түйүнүндө видеороликтерди жайгаштырып, дин туткан адамдардын арасында үгүт иштерин жүрүгүзүп, аларды согушка жалдоо аракеттери жасалып жатканын белгиледи.

ЕККУ Борборунун колдоосу менен уюштурулган Жогорку Кеңештин Коргоо жана коопсуздук комитетинин диний экстремизмге жана эл аралык терроризмге каршы аракеттенүү маселесине арналган көчмө жыйыны өз ишин улантууда.

Ссылка на оригинал публикации : www.barakelde.org

Только зарегистрированные пользователи могут оставлять комментарии. Если у вас есть аккаунт на сайте, пожалуйста, войдите.
Только зарегистрированные пользователи могут отправлять запросы в Комиссию по рассмотрению жалоб на СМИ. Если у вас есть аккаунт, пожалуйста войдите.

Пока ни одного комментария...