Последние публикации

Жоомарт Оторбаев: "Түштүк кышка чейин көгүлтүр от менен камсыздалат"

Жоомарт Оторбаев: "Түштүк кышка чейин көгүлтүр от менен камсыздалат"

Декабрга чейин Ош жана Жалал-Абад аймактары жаратылыш газы менен камсыздалат. Бул тууралуу премьер-министр Жоомарт Оторбаев билдирди. Анын билдирүүсүндө учурда өкмөт “Газпром” менен иш алып барып, маселени чечүү жолуна жакындап калды. Ал эми жаратылыш газы келгенге чейин элге бекер меш(плита) менен газ баллондор таркатыла бермекчи.

“ГазпромКыргызстан” жоопкерчилиги чектелген коомунун маалымат катчысы Рысбек Арунов бүгүнкү күндө өзбек тарап менен жогорку деңгээлдеги сүйлөшүүлөр болуп жатканын маалымдайт. "Анткен менен көгүлтүр оттун түштүккө кайсыл убакта берилери тууралуу так маалымат жок",- дейт.

Энергетика тармагындагы эксперт Эркин Абдразаков өкмөт башчы бул маселе чечилгенин келишимге келген соң жарыяласа болмок. Өзүбүздөгү газ менен Жалал-Абаддын 30 пайызын камсыздаса болот. Ал эми декабрга чейин Ошко газ берилет деген сөз чындыкка коошпойт дейт. Анын үстүнө Газпромдун азыр Өзбекстанга таасир берчү күчү жок болгондуктан сүйлөшүүлөрдөн жыйынтык чыгарына ишеним аз экенин Абдразаков кошумчалайт.

Ош жана Жалал-Абадда көгүлтүр оттун берилбегенине 6 ай болуп калса да, кыргыз өкмөтү жана Газпромдун “УзтрансГазга” кайрылууларынан майнап чыкпай келет.

Ссылка на оригинал публикации : maralfm.kg

Только зарегистрированные пользователи могут оставлять комментарии. Если у вас есть аккаунт на сайте, пожалуйста, войдите.
Только зарегистрированные пользователи могут отправлять запросы в Комиссию по рассмотрению жалоб на СМИ. Если у вас есть аккаунт, пожалуйста войдите.

Пока ни одного комментария...