Последние публикации

Зордуктаган жаранды 24 жаштагы кыз бычактап салган

Бишкек шаарында 24 жаштагы кыз аны күч колдонуп зордуктаган 49 жаштагы жаранды бычактап салды. Бул тууралуу Бишкек ШИИББинин басма сөз кызматы бүгүн, 26-сентябрда билдирди.

Маалыматка ылайык, иликтөө иш-чараларынын жүрүшүндө каза болгон жаран 49 жаштагы Э.Абды аттуу Жалал-Абад облусунун тургуну экени аныкталган. Ал 24-сентябрь күнү Бишкектеги мектептердин биринде оңдоо иштерин жүргүзүү үчүн өзүнө жардамчы издеп, "Ош базарына" келген. Ал жерден радиотүйүн аркылуу 24 жаштагы Н.Кыял аттуу кызды таап, кечке чейин иштөө үчүн 500 сом берерин айтып макулдашышкан. Мектептеги оңдоо иштери бүткөн соң 700 сом берерин айтып, даараткананы да оңдоо үчүн жардамдашып коюусун суранган. Буга кыз макул болгон. Жумуштун баары бүткөндө Абды аны бөлмөлөрдүн бирине камап, күч колдонуп зордуктап, түнү менен бирге болосуң деп коркуткан. Андан кийин дагы бир жолу жыныстык катнашка барууга аракет кылганда Кыял бычакты алып, төш тарапка сайып жиберген. Андан соң, коркуп кетип өзү "Тез жардамга" жана милицияга кабар берген. 49 жаштагы Абды алган жараатынан ооруканада көз жумган.

Азыркы тапта аталган 24 жаштагы Кыял аттуу Жалал-Абад облусунун тургуну кармалып, кылмыш иши козголгон. Тергөө амалдары жүрүп жатат.

Ссылка на оригинал публикации : www.kabarordo.kg

Только зарегистрированные пользователи могут оставлять комментарии. Если у вас есть аккаунт на сайте, пожалуйста, войдите.
Только зарегистрированные пользователи могут отправлять запросы в Комиссию по рассмотрению жалоб на СМИ. Если у вас есть аккаунт, пожалуйста войдите.

Пока ни одного комментария...