Последние публикации

Исаков: “Ош” аэропортунун жаңы тейлөө залы 5 айда бүткөрүлдү

Исаков: “Ош” аэропортунун жаңы тейлөө залы 5 айда бүткөрүлдү

"Ош" Эл аралык аэропортундагы жаңы тейлөө залынын курулушу үчүн аэропорттун бюджетинен 46 млн сом сарпталып, 5 айда бүткөрүлдү. Бул тууралуу аэропорттун директору Талант Исаков тейлөө залынын ачылыш аземинин жүрүшүндө билдирди.

Эске сала кетсек, бүгүн, 17-мартта Ош Эл аралык аэропортунун учуп келген жүргүнчүлөрдү тейлөө залынын ачылыш аземи болду. Ага Кыргыз Республикасынын премьер-министри Сапар Исаков, Ош шаарынын мэри Айтмамат Кадырбаев, Өкмөттүн Ош облусундагы ыйгарым укуктуу өкүлү Таалайбек Сарыбашев, "Манас эл аралык аэропорту" ачык акционердик коомунун башкармалыгынын төрагасы Эмил Чукуев жана "Ош" Эл аралык аэропортунун директору Талант Исаков катышты.

Премьер-министр тейлөө залынын кызыл тасмасын кесип, андагы жүргүнчүлөр үчүн түзүлгөн шарттар менен таанышты.

С.Исаков Кыргызстан анын ичинде Ош шаары өнүгүп жатканын белгилеп, аэропорттун ишмердүүлүгүнө ийгиликтерди каалады.

“Учуп келген жүргүнчүлөрдү тейлөө залынын аянты 2 миң кв метрди түзөт. Бул жерде жүргүнчүлөрдү сапаттуу тейлөө үчүн бардык шарттар түзүлгөн”,-деди "Ош" Эл аралык аэропортунун директору.

Ссылка на оригинал публикации : kabar.kg

Только зарегистрированные пользователи могут оставлять комментарии. Если у вас есть аккаунт на сайте, пожалуйста, войдите.
Только зарегистрированные пользователи могут отправлять запросы в Комиссию по рассмотрению жалоб на СМИ. Если у вас есть аккаунт, пожалуйста войдите.

Пока ни одного комментария...