Последние публикации

Өзгөндүктөр мектеп курууну талап кылып жол тосот

Өзгөн районунун Шералы айылында 500гө чукул адам жаңы мектеп салып берүүнү өкмөттөн талап кылып жол тосууга камынууда.

Жол тосууга камылга көрүп жаткандардын бири, айылдык кеңештин депутаты Рахат Камбардинованын айтымында, айылдын Касымаалы Рыспаев атындагы орто мектеби 1927-жылы курулуп, ошол бойдон жаңыланган эмес. 2008-жылы эле КРнын Өзгөчө кырдаалдар министрлиги тарабынан “окууга мүмкүн эмес” деген тыянак чыккан. Ошол жылдары чатырда окуган окуучулар учурда кайрадан кооптуу мектепте билим алууга аргасыз болушууда. Бирок кыйроо абалында турган мектеп окуучулар үчүн кооптуу. Жергиликтүү тургундар бул маселе менен бир нече жолу тийиштүү жетекчилерге кайрылган менен жыйынтыгы болгон эмес. Аргасы түгөнгөндө элеттиктер бийликке 1-мартка чейин мөөнөт берип, эгер оң жооп болбосо балдарын окууга жиберүүдөн баш тартып, “Ош-Бишкек жолун тособуз”,- деп эскертүүдө.

Только зарегистрированные пользователи могут оставлять комментарии. Если у вас есть аккаунт на сайте, пожалуйста, войдите.
Только зарегистрированные пользователи могут отправлять запросы в Комиссию по рассмотрению жалоб на СМИ. Если у вас есть аккаунт, пожалуйста войдите.

Пока ни одного комментария...