Последние публикации

Кесиптештерибиздин сыйлыгы-биздин сыймыгыбыз

Кесиптештерибиздин сыйлыгы-биздин сыймыгыбыз

Жыл жаңыраар алдында «Теңир Тоо» гезитинин эмгек жамаатында сыймыктуу учурлар болуп, маңдай жарыла кубанып турган учурубуз.

Дегенибиз, гезиттин журналисти, кесиптешибиз Бурулсун Дыйканбаевага кырк жылга жакын гезиттин түйшүктүү ишиндеги эмгеги жана коомго кошкон салымы бааланып «Нарын облусунун Ардактуу атуулу» наамы, ага удаа эле «Маданияттын мыкты кызматкери» төш белгиси ыйгарылса, дагы бир кесиптешибиз Клара Эсеналиева Кыргыз Республикасынын Акыйкатчы институтунун, Кыргызстан Аялдар конгрессинин, Саламаттыкты сактоо министрлигинин жана Экологиялык журналистика-2012 кароо-сынактарынын жеңүүчүсү аталып, баалуу сыйлыктарга татыктуу болгону бизди кубандырып олтурат.

Журналисттик түйшүктүү кесипти аркалоо менен коомдук турмуштун агымындагы ар кыл жагдайларды жүрөгү менен калеминин элегинен өткөрүп, күнүмдүк кабарлардан тарта терең иликтенген аналитикалык макалаларга чейин гезит бетине үзгүлтүксүз жарыялап, ал аркылуу коомдук аң-сезимдин заман талабына ылайык калыптанышына опол тоодой салымдарын кошуп, маалымат майданында ат салышып келаткан кесиптеш айымдарыбыздын бул сыйлыктары албетте жалпы «теңиртоочулардын» сыймыгы.

Урматтуу кесиптештер, сиздер үчүн жогорудагы сыйлыктар албетте чек эмес. Сиздердин чыгармачылыгыңыздардын мындан ары да ташкындап, калемиңиздерден курч макалалардын, чыгармалардын жарала берээрине терең ишеним артабыз. Ошону менен бирге Сиздерге узун өмүр, бекем ден соолук, үй-бүлөлүк бакыт-таалай, аялзатына тиешелүү бардык жакшылыктарды, аруулукту, сулуулукту арнайбыз.

Только зарегистрированные пользователи могут оставлять комментарии. Если у вас есть аккаунт на сайте, пожалуйста, войдите.
Только зарегистрированные пользователи могут отправлять запросы в Комиссию по рассмотрению жалоб на СМИ. Если у вас есть аккаунт, пожалуйста войдите.

Пока ни одного комментария...