Последние публикации

Түркия Пешавардагы окуучулардын өлүмү үчүн аза күтөт

Түркия Пешавардагы окуучулардын өлүмү үчүн аза күтөт

Түркияда Пакистандагы мектепте каза болгон окуучулардын урматына бүгүн аза күтүү күнү деп жарыяланды. Бул тууралуу кечээ түрк өкмөт башчысы Ахмет Давутоглу буйрук чыгарган.

Анадолу кабар агенттигинин маалыматында, Пешавардагы аскер адамдарынын балдары окуган мектепте каза болгон 148 окуучу жана мугалимдердин үй-бүлөсүнүн кайгысын тең бөлүшүү максатында өкмөт башчы Түркияда бир күндүк аза күтүү күнүн жарыялаган. Ага ылайык, бүгүн өлкөдөгү бардык желектер ылдый түшүрүлөт.

"Техрик-и-Талибан Пакистан" террордук уюмунун мүчөлөрү кечээ, 16-декабрда Пешавардагы мектепке куралчан кол салып 500дөй окуучу жана окутуучуларды барымтага алган. Акыркы маалыматтарга ылайык, 148 адам каза болуп, алардын 100дөн ашууну окуучулар экени айтылууда. 100дөн ашууну жарадар болуп, ооруканага жеткирилген.

Талибандардын билдирүүсүндө, алар өз үй-бүлө мүчөлөрүн Пакистан аскерлери тарабынан өлтүрүлгөнүн айтып, өч алуу максатында аскер адамдарынын балдары окуган мектепке кол салган.

Ссылка на оригинал публикации : maralfm.kg

Только зарегистрированные пользователи могут оставлять комментарии. Если у вас есть аккаунт на сайте, пожалуйста, войдите.
Только зарегистрированные пользователи могут отправлять запросы в Комиссию по рассмотрению жалоб на СМИ. Если у вас есть аккаунт, пожалуйста войдите.

Пока ни одного комментария...