Акыркы макалалар

Ош МУнун экинчи өздүк клиникасы пайдаланууга берилди

Ош мамлекеттик университетинин 75 жылдык жана медицина факультетинин 20 жылдык мааракесине карата ОшМУнун 3 кабаттан турган Стоматологиялык клиникасынын ачылуу аземи болду.Бул тууралуу окуу жайдын басма сөз кызматы билдирди.

“Клиникаларыбыз заманбап типте курулуп, сапаттуу медициналык жабдыктар менен жабдылган, мунун баары кадырман калкыбыздын саламаттыгы үчүн, ошол эле кезекте биздин медицина факультетинин, медициналык колледждин студенттери үчүн да чоң мүмкүнчүлүк. Бул жерден биздин окумуштуу-окутуучуларыбыз өздөрүнүн илимий тыянактарын, жаңы тажрыйбаларын иш жүзүндө көрүүгө, студенттер, аспиранттар, ординаторлор практиткалык тажрыйба топтоого шарттар жаралды”,- деди ОшМУнун ректору Каныбек Исаков.

Стоматологиялык клиникада 200 орунга ылайыкташкан чоң лекциялык зал, 80 орунга ылайыкташкан кичине лекциялык зал, конференц залдар менен биргеликте хирургиялык, тиш дарылоо, рентген, залалсыздандыруучу 10 тиш дарылоо кааналары оорулуулар үчүн кызмат көрсөтөт.

Бул клиникада дасыккан тиш дарыгерлери эмгектенип, ординанттар, стажерлор, стденттер үчүн да практика жүзүндө ишмердүүлүктөрүн арттырууга өбөлгө жаралат. Акыркы үлгүдөгү медициналык жабдыктар менен жабдылган клиника ОшМУнун базасындагы экинчи клиника болуп калды.

Түп нускага шилтеме : saresep.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...