Акыркы макалалар

Ошто 31-августта калктын биометрикалык маалыматтары алына баштайт

Ош шаарында эртең, 31-августтан тарта калктын биометрикалык маалыматтарын чогултуу боюнча улуттук кампания башталат.

«Адам укуктары боюнча Эдвокаси борбор» бейөкмөт уюмдардын ассоциациясы маалымдагандай, ар бир 16 жаштан жогорку жаран өзүнүн биометрикалык маалыматын тапшыруусу зарыл.

Биометрикалык маалыматтар Калктын бирдиктүү мамлекеттик каттоосун түзүү үчүн талап кылынат.

«Калктын бирдиктүү мамлекеттик каттоосу мамлекеттик органдардын жана маалымдама алууда же мамлекеттик кызмат көрсөтүлгөндө катардагы жарандардын ишин жеңилдетет. Бийлик өкүлдөрү да аздыр-көптүр мындай так маалыматтын болуусу шайлоо учурундагы жок адамдардын ордуна добуш берүү, башка бирөөнүн добушун колдонуу сыяктуу мыйзам бузуулардын алдын алат деген үмүттө», - деп айтылат маалыматта.

Эске салсак, биометрикалык маалыматтарды тапшыруу үчүн 10 манжасынын изин, санариптик сүрөтүн, өз колун жана башкаларды тапшыруу керек.

Түп нускага шилтеме : turmush.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...