Акыркы макалалар

Айыл чарба министрлиги Россияга 50 миң тонна эт жеткирүүнү болжолдоп жатат

Айыл чарба жана мелиорация министрлиги 2014-2015-жылдарда Россияга 35-50 миң тонна эт жана 2 миң тоннанын тегерегинде сүт азыктарын жеткирүүнү болжолдоп жатат. Бул тууралуу кечээ, 21-августта ата мекендик айыл чарба азыктарын Россияга экспорттоо маселелерине арналган тегерек столдо Айыл чарба жана мелиорация министри Таалайбек Айдаралиев билдирди.

Анын айтымында, бул арада мындан тышкары Кыргызстан Россияга - 560 миң тонна картошка, 5 миң тонна - бакча өсүмдүктөрүн, 250 миң тонна - консерваланган жашылча, 3 миң тонна - жүзүм, 65 миң тонна - кургатылган жемиш, 120 миң тонна - жаңгак, 15-20 миң гекалитр - минералдык суу жана алкоголсуз суусундуктарды жеткириши күтүлөт.

"Баардык сунуштарыбызды Россиянын айыл чарба министрлигине сунуштадык. Бүгүн телефон менен сүйлөшүү белгиленген, күтүп жатабыз",- дейт Айдаралиев.

Ошондой эле министр Россиянын Айыл чарба министри көптөгөн маселелерди жеринде келип көрүшү үчүн Кыргызстанга чакырылганын айтты.

Түп нускага шилтеме : kyrgyz.vb.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...