Акыркы макалалар

Барак Обама Ирак өкмөт башчысына жаңы адамдын көрсөтүлүшүн кубаттады

Кошмо Штаттардын президенти Обама Ирактын өкмөт башчылыгына Хайдер аль-Абадининин көрсөтүлүшүн “көп нерсени убада кылган алга кадам” деп атады:

- Бүгүн президент Масум өкмөт башчылыкка жаңы адамды көрсөттү. Ирак Конституциясына ылайык, өкмөттү түзүүдөгү бул маанилүү кадам Ирактагы ар түрдүү коомчулуктарды бириктире алат.

Массачусетс штатында эс алып жүргөн мезгилинде 11-августта жасаган билдирүүсүндө Обама өкмөттү тезирээк түзүүгө, саясий күчтөрдү биргелешип иштөөгө чакырды.

Обаманын билдирүүсүндө Ирактын азыркы өкмөт башчысы Нури аль-Маликинин ысымы аталган эмес. Нури аль-Малики өлкөдө диний касташууну жаратты деп айыпталууда. Бирок Малики президент Фуад Масум өкмөт башчылыкка талапкер катары Абадини атоо менен Конституцияны бузду деп, сотко кайрылган. Сот аны колдоп берди.

Түп нускага шилтеме : www.azattyk.org

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...