Акыркы макалалар

Солтон-Сары боюнча эки кытайлык компаниянын сунушу каралууда

Бул тууралуу “Азаттыкка” өкмөттүн Нарын облусундагы өкүлү Аманбай Кайыпов билдирди. Кытайлык эки компания Солтон-Сары аймагында алтын иштетүү сунушу менен жергиликтүү бийликке кайрылган.

- Азыр аталган эки компаниянын лицензиясы, документтери жана кен иштетүү программаларын жергиликтүү депутаттар менен карап жатабыз, - дейт Кайыпов.

Миң-Булак, Эмгекчил айыл өкмөттөрүнө караган Солтон-Сары аймагында үч алтын кени бар. Учурда “Солтон-Сары” мамлекеттик ишканасы гана иштейт. Калган эки аймакта мындан 3 жыл мурун жергиликтүү элдин каршылыгы менен кытай компанияларынын иши токтотулган.

Солтон-Сарыда алтындын запасы 2,5 миң тонна экенин буга чейин "Кыргызалтын" ишканасынан кабарлашкан.

Түп нускага шилтеме : www.azattyk.org

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...