Акыркы макалалар

Ошто менингит оорусу көбөйүүдө

Ошто менингит оорусу көбөйүүдө. Өткөн жылы 3 бейтап кайрылса, 6 ай ичинде 11 жаран дарыланууга кайрылган. 2013-жылы бир адам аталган илдеттен каза тапса, ушул жылы 3 адам көз жумган. Бул тууралуу Ош облустук бириккен клиникалык ооруканасынын неврология бөлүмүнүн башчысы Гүлбара Аманбаева билдирди.

Анын маалыматына ылайык, менингит аба менен кишиге жугуучу оорулардын катарына кирет. Ал – мээнин эң көп жабырлануучу ооруларынын бири. Ооругандардын 20 пайызы илдеттен каза табат. Аталган оору адамга эки метр аралыктан жугат. Менингит, кадимки эле сасык тумоого окшоп башталып, адамдын дене табы жогорулап, көңүлү айный баштайт. Мындай учурда жарандар сөзсүз түрдө дарыгерлерге кайрылуусу керек экенин айтат.

Өлкөдө жыл башынан бери эле 150 адам менингит оорусу менен катталган. Дарыгерлердин айтуусу боюнча, ар он жылда бул илдет күч алат.

Түп нускага шилтеме : kyrgyzkabar.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...