Акыркы макалалар

Кыргызстан жаңы биометрикалык паспортко өтөт

Кыргызстан жаңы биометрикалык паспортко өтөт

Мамлекеттик каттоо кызматы Кыргызстан жалпы жарандык (чет өлкө үчүн) биометрикалык паспортко өтөрүн жарыялап, документтин жаңы үлгүсүн коомдук талкууга чыгарды. Бул тууралуу мекеменин басма сөз катчысы Мелис Эржигитов “Азаттыкка” билдирди.

Паспорттун стандарттык түрү мурдагыдай эле сырты көк болот, ал эми кызматтык паспорт боз, дипломаттык паспорт кара түстө капталат. Документтин ичине Кыргызстандагы бийик чоку, Сулайман-Тоо, Таш-Рабат жана башка жайлардын элеси түшүрүлгөн.

Мамлекеттик каттоо кызматы билдиргендей, паспорттун үлгүсү акыркы үлгү эмес. Сунуш-пикирлер болсо өзгөртүлүшү мүмкүн. Үлгү жарыяланары менен айрымдар документте “дипломаттык” деген сөз “дипоматтык” болуп ката жазылганын сынга алып чыгышты.

Каттоо кызматы паспортту басып чыгарыш үчүн жаңы аппарат сатып алды. Ал саатына 300 паспорт басып чыгарат. Учурда паспортту басып чыгаруучу компания үчүн тендер жарыяланды.

Кыргызстан биометрикалык паспортко былтыр өткөн. 2017-жыл ичинде 515 миң ID-карта берилген.

Түп нускага шилтеме : www.azattyk.org

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...