Акыркы макалалар

Данияр Көбөнов 35 жашта! Чет өлкөдө иштеген спортчу тууралуу 5 факты

Данияр Көбөнов 35 жашта! Чет өлкөдө иштеген спортчу тууралуу 5 факты

Бүгүн кыргыз балбандарынын орто муунунун көрүнүктүү өкүлү, убагында Олимпиадалык оюндарда эки ирет намыс талашкан Данияр Көбөнов 35 жашка чыкты.

Бүгүн кыргыз балбандарынын орто муунунун көрүнүктүү өкүлү, убагында Олимпиадалык оюндарда эки ирет намыс талашкан Данияр Көбөнов 35 жашка чыкты.Sputnik Кыргызстан маалымат агенттигинин журналисти Гүлдана Талантбекова өлкөнүн атын алыска таанытып, бир нече эл аралык турнирлердин жеңүүчүсү жана Кыргызстандын көп жолку чемпиону аталган спортчу Данияр Көбөнов тууралуу кызыктуу фактыларды даярдады.

Көбөн атаны көпкө тааныткан небере. Данияр Көбөнов 1982-жылы 8-сентябрда Ысык-Көл облусундагы Жети-Өгүз районунун Саруу айылында туулуп-өскөн. Беш бир тууган. Бактияр, Бектияр, Элдияр аттуу инилери жана Гүлжан аттуу карындашы бар. Атасы шахмат боюнча машыктыруучу, апасы медайым болуп иштеген. Данияр Көбөновдун чоң атасы Көбөн мал доктурлукту аркалаган жана сөзгө чечен, жамакчы киши болгон.

Спортко жакын өсүшүнө атасы Өмүрбектин таасири зор. Кезинде атасы спорттун бир нече түрү менен алектенген. Данияр мектепте окуп жүргөндө дене тарбия сабагындагы көнүгүүлөргө алымсынбай, айылындагы Аскар Сартов аттуу машыктыруучун күрөш секциясына бара баштаган. Көбөнов 1997-жылы Бишкектеги олимпиадалык резерв окуу жайына кабыл алынган. Жогорку окуу жайды юриспруденция адистиги боюнча бүтүргөн.

Олимпиада оюнунда моюн созо үмүт арттырган учур. Көбөнов үч жолу Олимпиада оюндарына катышкан. 2004-жылы Афина олимпиадасында барып жаштыкка алдырып коет. 2008-жылкы Пекин олимпиадасына жолдомо ала албай калган. 2012-жылы Лондон Олимпиадасында да ийгилик жылмайган эмес. Ал бул тууралуу "Лондон Олимпиадасынын алдында салмагым 84 килограмм болуп, дээрлик 10 килограммга семирип кеткен. Анан салмак кууйм деп ички энергиямдын баарын берип салдым. Тамак-аштан өзүмдү чектеп диета кармадым, бирок негедир салмагым жогорулап кетти. Жеңилишиме өзүм күнөөлүүмүн. Күнөө өзүмдө гана" деп айтканы бар.

Жеке жашоосу. Учурда Америкада ишкерлик менен алектенген спортчу менен байланышканыбызда быйыл үйлөнө тургандыгын айтты, "жашым отуздан эбак ашкан, убакыт саат, буйрук болмоюнча бакыт кушу конбойт экен, сүйлөшкөн кызым менен ушул күздө кол кармашсамбы деп турам" деди Көбөнов. Ал ошондой эле спорттун футбол жана узакка чуркоо түрү менен машыгып жатканын билдирип, келечекте чоң спортко келиши арсар экендигин айтты.

Спорттогу ийгиликтери. 2002-жылы Түштүк Кореянын Пусан шаарында өткөн 14-Азия оюндарында күмүш медалды утуу менен спорттогу чоң ийгиликтери башталган.

2003-жылы Данияр Борбор Азия оюндарда биринчи орунду ээлеген.

2005-жылы Азия чемпиону аталган. Ага "Мыкты техникалык чеберчилиги үчүн" кубок тапшырылып, андан соң 2006-жылы Дохадагы 15-Азия оюндарында коло медалдын ээси болгон.

Бишкекте 2007-жылы өткөн Азия чемпионатында алтын медаль жеңип алган

2010-жылы Москвада өткөн дүйнө чемпионатында коло байге утуп, 16-Азия оюндарынын чемпиону аталган.

Түп нускага шилтеме : sputnik.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...