Акыркы макалалар

Канча адам Ала-Тоого кол шилтеп кетти? Кыргыз жарандыгынан баш тарткандар

Канча адам Ала-Тоого кол шилтеп кетти? Кыргыз жарандыгынан баш тарткандар

Кыргызстандын кайсы жараны түндүк түшүрүлгөн паспорттон баш тартып кеткенин Sputnik Кыргызстан агенттиги билип көрдү.

Президенттин расмий сайтындагы маалымат боюнча 2016-жылы 2754 адам кыргыз жарандыгы менен кош айтышкан. Алардын 1546сы — аял, 1208и — эркек кишилер.

Мурунку мекендештердин ондон жети бөлүгү Кыргызстанда туулган. Алардын беш пайызынын мекени Россия болуп саналат. Жүз кишинин үчөө Казакстанда жарык дүйнөгө келген. Ал эми 445 адамдын кайсы жерде туулганы белгисиз.

Алардын жарымы, тагыраак айтканда, 1339у — орус улутундагылар, кыргыздар — 267, өзбектер — 220. Мындан сырткары, кыргыз жарандыгынан баш тарткандардын катарында 92 татар, 66 украин, 40 корей, 24 еврей жана 15 казак бар.

Статистика боюнча Кыргызстандын жарандыгынан чыгып кеткендердин басымдуу бөлүгү же болбосо 31 пайызы 30дан 45 жашка чейинкилер. Алардын 30,5 пайызы 18-30 жаштагылар.

Ал эми 2016-жылы 75 жаштан жогорку 16 жаран кыргыз жарандыгынан баш тартып кеткен. Алардын эң улуусу 91 жашта.

Түп нускага шилтеме : sputnik.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...