Акыркы макалалар

Көк бөрү: Астанада дүйнөлүк чемпиондуктун жеңүүчүсү бүгүн аныкталат

Көк бөрү: Астанада дүйнөлүк чемпиондуктун жеңүүчүсү бүгүн аныкталат

27-август (жекшемби) күнү Казакстандын Астана шаарында өтүп жаткан көк бөрүнүн казакча түрү - көкпар боюнча биринчи дүйнө чемпиондугу аяктамакчы. Жыйынтыктоочу таймаштардын алгачкы күч сынашында Кыргызстан менен Казакстандын курама командалары беттешет.

Оюндар саат 18:00дө башталат. (Астана жана Бишкек убакыты бирдей).

Ага чейин, 17:00дө үчүнчү орун үчүн Тажикстан менен АКШ ойнойт. Мелдештин байге фонду 18 миллион теңге (3 млн 657 миң сом).

1-орун үчүн 10 млн теңге (2 млн 32 миң сом), 2-орунга 5 млн теңге (1 млн 16 миң сом), 3-орунга 3 млн теңге (609 миң сом) ыйгарылат.

25-августта (жума күнү) көкпар боюнча дүйнө чемпиондугунда тайпалык тандоо оюндарынын акыркы 5-турундагы таймаштар аяктаган.

Кыргызстандын көк бөрүчүлөрү АКШ командасы менен ойноп, 11:6 эсебинде жеңишке жеткен. Тажик курамасы монголдорду 10:9 эсебинде уткан.

Жума күнү Өзбекстан – Түркия 14:3 эсебинде, Кытай – Ооганстан 4:2 эсебинде, Орусия – Азербайжан 3:0 эсебинде, Казакстан – Венгрия (Мажарстан) курамалары болсо, 12:3 эсебинде таймаштарын аякташкан.

Жалпысынан, Кыргызстандын курама командасы тайпалык оюндарда беш жолу жеңишти камсыздап, турнирдик таблицада А тобунда көч башы ордун ишенимдүү ээлеп турат.

(Ага чейин Кыргызстандын оюнчулары Монголияны 4:0, Өзбекстанды 11:2, Түркияны 13:3, Тажикстанды 15:2 эсебинде жеңип алган болчу).

Финалдык беттештин жүрүшүн түз эфирде КТРК жана КТРК Спорт телеканалдары Full HD форматта түз алып көрсөтөөрү күтүлүүдө.

Көкпар (көк бөрү) боюнча Биринчи дүйнөлүк чемпиондук Астана шаарындагы Эл аралык "Экспо-2017" көргөзмөсүнүн алкагында уюштурулууда.

Түп нускага шилтеме : www.azattyk.org

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...