Акыркы макалалар

Кыргызстан менен Орусиянын прокурорлору Батукаев маселесин талкуулашты

Кыргызстан менен Орусиянын прокурорлору Батукаев маселесин талкуулашты

Кыргызстандын башкы прокурору Индира Жолдубаева менен Орусия Федерациясынын баш прокурору Юрий Чайка Азиз Батукаевди Бишкекке өткөрүү маселесин талкуулашты. Башкы көзөмөл органы тараткан кабарга ылайык, жолугушуу 13-январда Москвада болду.

Жолугушуу эки тараптуу ымаланы жандантуу максатында уюштурулган. Сүйлөшүүлөрдүн өзөгүн прокуратура багытындагы өз ара кызматташуу, экстрадиция жана укуктук жардам көрсөтүүлөр багытындагы суроолор түздү.

Жолдубаева Азиз Батукаев маселесине өзүнчө токтолуп, аны Кыргызстанга өткөрүп берүү маселесин Бишкек талап кыларын айтты.

16 жылга кесилген Азиз Батукаевди 2014-жылдын апрелинде “ак кан оорусуна чалдыкты” деген негизде Нарын шаардык соту бошотуп жиберген. Быйыл Башкы прокуратуранын өтүнүчү менен сот чечими жокко чыгарылган.

Батукаев Орусия аймагында экени кабарланган.

Түп нускага шилтеме : www.azattyk.org

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...