Акыркы макалалар

Кыргызстан КМШ менен ЕАЭБ ортосунда эркин соода аймагын киргизүүнү сунуштады

Кыргызстан КМШ менен ЕАЭБ ортосунда эркин соода аймагын киргизүүнү сунуштады

Жээнбеков жыйындын жалпы катышуучуларын Ысык-Көлдө өтүүчү Дүйнөлүк көчмөндөр оюнунун ачылыш аземине катышууга чакырды.

Кыргызстан КМШ жана Евразиялык экономикалык биримдикке мүчө өлкөлөрдүн ортосунда толук кандуу эркин соода режимин киргизүүнү сунуштайт. Бул тууралуу премьер-министр Сооронбай Жээнбеков Көз карандысыз мамлекеттер шериктештигине мүчө мамлекеттердин өкмөт башчылар кеңешинин кеңейтилген жыйынында билдирди.

Жээнбеков өз сөзүндө Кыргызстан КМШнын 25 жылдыгында Шериктештикке төрагалык кылып жатканына өзгөчө маани берерин белгиледи.

"Келечекте эки интеграциялык бирикме ортосунда толук кандуу эркин соода режимин киргизүүнү кароо мүмкүн деп эсептейбиз. Натыйжада өзгөчө экономикалык кыйын кырдаалда, биздин өлкөлөрдүн атаандаштыкка жөндөмдүүлүгүн чыңдоого шарт түзүлөт. Мындан тышкары, дүйнөлүк тартиптин өзгөрүүсү жана чек аралар аралык жаңы чакырыктар жана коркунучтар жаралган учурда мамлекеттердин өз-ара көзкарандылыгы күч алып, жалпыбызды КМШ форматында көптөгөн багыттар боюнча биргелешип иш алып барууга үндөйт", — деди өкмөт башчы.

Премьер-министр белгилегендей, Кыргызстан КМШ алкагындагы маданий-гуманитардык кызматташууга чоң маани берет.

"Өлкөдө 2016-жыл Тарых жана маданият жылы катары жарыяланган. Үстүбүздөгү жыл илимий, интеллектуалдык жана маданий иш-чараларга бай болот. Быйылкы жылдын сентябрь айында Ысык-Көл жээгинде II Дүйнөлүк көчмөндөр оюну өтөт. Биз оюндардын өткөрүлүшү спорттук таймаштар үчүн гана эмес, дүйнө элдеринин ортосундагы маданий жана улут аралык баарлашуу үчүн жагымдуу аянтча түзөрүнө ишеним артабыз", — деди ал.

Жээнбеков жыйындын жалпы катышуучуларын Ысык-Көлдө өтүүчү Дүйнөлүк көчмөндөр оюнунун ачылыш аземине катышууга чакырды.

Түп нускага шилтеме : sputnik.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...