Акыркы макалалар

Өлкөбүздө тамчылатып сугарууга өзгөчө көңүл бурулууда

Өлкөбүздө тамчылатып сугарууга өзгөчө көңүл бурулууда

Бул тууралуу бүгүн “Кабар” агенттигиндеги өткөн маалымат жыйында КРнын айыл чарба жана мелиорация министрлигинин айыл чарбасына заманбап прогрессивдүү технологияларды киргизүү боюнча борборунун жетекчиси Аскарбек Сагынбаев билдирди.

“Республика боюнча 2015-жылы 2825 субьектиге, 676 гектар жерге тамчылатып сугаруу иштери киргизилген. 2015-жылы Кыргызстанда тамчылатып сугаруу системаларын орнотуу иштери өзгөчө кызыгууну арттырды. Жыйынтыгында тамчылатып сугаруу системаларын орноткон чарбалардын саны 221ге жетти. Ал 2014-жылга салыштырмалуу 10 эсеге көбөйгөн. Ал эми 2016-жылдын 25-мартына карата 31 чарбакер тамчылатып сугаруу системаларын орноткон. Бул системалардын көбү күнөсканаларга коюлган”,-деди ал.

Анын айтымында өлкөбүздө тамчылатып сугаруу системасы негизинен бак-дарактарга, жашылча-жемиштерге, пахта, жүгөрү, кызылчага күнөсканаларга коюлуп келе жатат. Бул жылы мурдагы жылдардай эле фермерлерге жана дыйкандарга бул багытта окутуп, үйрөтүү иштери улантылат.

Түп нускага шилтеме : kabar.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...