Акыркы макалалар

Грек-рим күрөшү боюнча Азия биринчилигинде Кыргызстан командасы 3-орунду ээледи

Грек-рим күрөшү боюнча Азия биринчилигинде Кыргызстан командасы 3-орунду ээледи

Мелдештин жыйынтыгы боюнча кыргызстандык спортчулар эки алтын, бир күмүш жана эки коло медаль утушту.

Кыргызстандык спортсмендер Азия биринчилигинде грек-рим күрөшүнөн командалык эсепте үчүнчү орунду ээледи. Бул туурасында аталган мелдештин расмий сайты кабарлайт.

Грек-рим, эркин күрөш жана аялдар күрөшү боюнча Азия биринчилиги Таиланддын Бангкок шаарында 17-февралда башталып, 21-февралга чейин уланат. Учурда грек-рим күрөшү боюнча мелдеш жыйынтыкталды.

Жалпысынан сегиз комплект медаль ойнотулган. Кыргызстандын грек-рим күрөшү боюнча улуттук курамы командасы жети салмактык категорияда намысты коргошту.

Мелдештин жыйынтыгы боюнча кыргызстандык балбандар эки алтын, бир күмүш жана эки коло медаль утушту.

Командалык эсепте, Кыргызстан 46 упай менен үчүнчү оруну ээледи.

Грек-рим күрөшү боюнча командалык эсеп:

Иран — 71 упай (4 алтын, 1 күмүш, 2 коло);

Казакстан — 58 упай (1 алтын, 1 күмүш, 4 коло);

Кыргызстан — 49 упай (2 алтын, 1 күмүш, 2 коло);

Өзбекстан — 47 упай (3 күмүш, 1 коло);

Корея — 44 упай (1 алтын, 1 коло);

Кытай — 42 упай (1 күмүш, 2 коло).

Түп нускага шилтеме : sputnik.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...