Акыркы макалалар

Ошто кечинде кызматтык унаа мингендер көзөмөлгө алынат

Ошто кечинде кызматтык унаа мингендер көзөмөлгө алынат

Өкмөттүн Ош облусундагы ыйгарым укуктуу өкүлү Таалайбек Сарыбашев кечки саат алтыдан кийин жумушка байланышпаган жагдайда кызматтык унаа мингендерди жазалоону буйруду. Облакимчиликтин басма сөз катчысы Жумамидин Сулайманкулов “Азаттыкка” кабарлагандай, бул боюнча билдирүү Ички иштер бөлүмдөрүнө жана Жол кайгуул кызматына жөнөтүлдү. Бирок эреже бузгандарга кандай чара көрүү жагы азырынча так эмес.

-Бүгүндөн тарта көзөмөлгө алуу жанданат. Алдыдагы күндөрү кызматтык унааларды пайдаланып жүргөндөргө каршы рейд уюштуруу пландалууда,- деди Сулайманкулов.

Кыргызстанда аткаминелердин кызматтык унааны каалаганча пайдаланып, ал эмес жакындары да минип жүргөнү коомчулук арасында көп сындалат.

Мурда иштен башка учурда машинелерди пайдаланбоо боюнча өкмөттүн буйругу чыкканы менен ал аткарылбай келет.

Түп нускага шилтеме : www.azattyk.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...