Акыркы макалалар

Диний чөйрөдөгү мамлекеттик саясаттын Концепциясы талкууланды

Кыргыз Республикасынын Президенти Алмазбек Атамбаев бүгүн, 25-январда, белгилүү теолог Кадыр Маликовду кабыл алды.

Жолугушууда Президент Алмазбек Атамбаев жана теолог Кадыр Маликов өлкөдөгү диний кырдаалды, террроризмге жана диний экстремизмге каршы күрөшүү боюнча мамлекеттик органдар көрүп жаткан чараларды, ошондой эле диний чөйрөдөгү мамлекеттик саясаттын Концепциясынын турмушка ашырылышын талкуулашты.

Мамлекет башчысы экстремисттик багыттагы кылмыштардын алдын алууда жана өлкө жарандарынын коопсуздугуна келчү коркунучтарды болтурбоо чараларын өз убагында көрүүдө эксперттик коомчулуктун ролу өзгөчө экендигин баса белгиледи.

Теолог Кадыр Маликов ага дарылануу учурунда көрсөтүлгөн колдоосу жана жардамы үчүн Президент Алмазбек Атамбаевге ыраазычылык билдирди.

Кыргыз Республикасынын Президентинин Аппаратынын маалыматтык саясат бөлүмү

Түп нускага шилтеме : maralfm.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...