Акыркы макалалар

КӨКӨМЕРЕНДЕГИ КӨПҮРӨ

КӨКӨМЕРЕНДЕГИ КӨПҮРӨ

Жумгал районундагы Өрнөк айылын чоң жер менен байланыштырып турган Көкөмерен дарыясындагы көпүрө эскилиги жетип, авариялык абалда калган эле. Албууттанган суунун аркы өйүзүндө күн кечиришкен өрнөктүктөр үчүн көпүрө маселеси канчалык деңгээлде маанилүү экендиги айтпаса да түшүнүктүү. Ушундан улам эски көпүрөнүн ордуна Көкөмеренге жаңысын салуу зарылдыгы келип чыгып, бул иш кызуу жүргүзүлүп жатат. Марттын акыркы күндөрүнүн биринде Кыргыз Республикасынын транспорт жана коммуникация министри Калыкбек Султанов жана Кыргыз Республикасынын Өкмөтүнүн Нарын облусундагы ыйгарым укуктуу өкүлү Канатбек Муратбеков көпүрөнүн курулушунун жүрүшү менен таанышып чыгышты.

Маанилүү жумушту ишке ашырып жаткан «Ремстроймост» фирмасынын деректири Сергей Пода курулуштун абалы туурасында айтып берди.

Министр К.Султановдун билдиришинче, 1976-жылы курулган жыгач көпүрө өз мөөнөтүн өтөп бүттү. Ошондуктан жаңы көпүрө куруу чечими кабыл алынган. Биздин ведомство тарабынан иштелип чыккан долбоорго ылайык узундугу 86 метрди түзөт. Анын курулушуна 82 миллион сом каралган. Азыркыга чейин жалпы жумуштун 40-45 пайызы бүткөрүлдү. Көпүрөнү 2013-жылдын июль айында пайдаланууга берүү болжолдонууда, дейт министр.

Буюрса Көкөмерен заманбап көпүрөлүү болгону калды.

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...