Акыркы макалалар

“Макмалалтындын” жумушчулары иш таштады

“Макмалалтындын” жумушчулары иш таштады

Тогуз-Торо районунда жайгашкан “Макмалалтын” ишканасынын жумушчуларынын тең жарымы маяна берилбей жатканына нааразы болуп бүгүн иш ташташты. Алар жумуштагы кыскартууларга да нааразы болуп жатышат. Акция саат 7:00дө башталганын “Азаттыкка” Тоо-кен тармагы боюнча кесиптик кошуун уюмунун төрагасы Элдар Тажибаев билдирди. Анын айтымында, иш таштоого 450 жумушчунун 230у катышууда.

- Алар соңку айдын маянасы дагы эле берилбей жатканын айтып жатышат. Ошондой эле эмгек өргүүсүнүн төлөмү 2-3 айга кечиктирилишине да нааразылык бар. Андан сырткары жакында 84 киши жумуштан алынган. Мунун баары иш таштоого негиз болду. Жумушчулар кезектешип иштешет. Акцияга чыккандардын баары бүгүнкү кезекте иштей тургандар ,- дейт Тажибаев.

Жогорудагы көйгөйлөр камтылган кайрылуу “Кыргызалтын” ишканасына 25-март күнү жөнөтүлгөн. Мекеме жетекчилиги иш таштагандар менен бүгүн жолугары кабарланды.

Казарман айылында жайгашкан ишканада миңдей жумушчу иштейт. "Макмалалтын" суткасына 600-650 тонна кенден айына 40 килограммдай алтын ылгайт.

Түп нускага шилтеме : www.azattyk.org

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...