Акыркы макалалар

Таласта Жерүйдү иштетүү зарылдыгы тууралуу түшүндүрүү жүрүп жатат

Мамлекеттик геология жана минералдык ресурстар боюнча агенттик Таластагы Жерүй алтын кенин иштетүү зарыл экени тууралуу бүгүн жергиликтүү тургундарга түшүндүрүү жүргүзүп жатат. Журналисттердин катышуусундагы жолугушуулар аймакта кен казууга каршы чыккан айыл жашоочулары менен өтүүдө.

Жерүй алтын кенин иштетүүгө жакын арада аукцион жарыяланарын өткөн жылдын декабрында Араб мамлекеттерине иш сапары учурунда президент Алмазбек Атамбаев билдирген. Лицензиянын баштапкы баасы 100 миллион доллар деп сунушталууда.

Жерүй - Кыргызстанда Кумтөрдөн кийинки эле эң ири алтын кени. Анда болжол менен кеминде 90 тонна алтын, 13 тоннадай күмүш бар. Айрым жергиликтүү тургундар бул кенди иштетүүгө каршылык билдирип келишет.

Түп нускага шилтеме : www.azattyk.org

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...