Акыркы макалалар

Түркия Кыргызстанда заманбап жабдуулары менен диагностикалык борбор курат

Түркия Кыргызстанда заманбап жабдуулары менен дарылоо-диагностикалык борборун курат. Бул тууралуу Саламаттыкты сактоо министрлигинин басма сөз кызматы маалымдады.

Кечээ, 2-февралда Саламаттыкты сактоо министри Талантбек Батыралиев Түркиянын Sistem medical group компаниясынын аткаруу кеңешинин төрагасы Кемал Атилла менен жолугушту.

Тараптар мамлекеттик-жеке шериктештик жаңы долбоору боюнча саламаттыкты сактоо тармагындагы кызматташтык маселелерин талкуулашты. Ага ылайык Түркиянын инвесторлору тарабынан Бишкекте нур менен диагностикалоочу жаңы жабдуулар менен камсыздалган биргелешкен дарылоо-диагностика борборун түзүү макулдашылды.

"Долбоордун жалпы баасы 1 млн доллар. Анын алкагында 500 миң доллардын эсебинде радиоизотоптуу диагностика, компьютер томографиясы. маммография боюнча жаңы аппараттар алынып келинди. Дарыгерлерди Түркиянын клиникаларынан квалификациясын жогорулатуу пландалып жатат",-деп кабарлады басма сөз кызматы.

Түп нускага шилтеме : www.kabarordo.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...