Акыркы макалалар

Жалал-Абаттагы митинг аяктады

Саат 14:00гө алынган маалымат боюнча камакка алынган Жогорку Кеңеш депутаты Камчыбек Ташиевди колдогон митинг аяктады. Митингди уюштуруучулар эртең кайтадан нааразычылык акциясына чыга тургандыктарын билдиришти. Бул тууралуу "ВБ"нын Жалал-Абатта жүргөн өз кабарчысы маалымдады.

Митинг учурунда катышуучуларга кыргыз тилиндеги гезиттер таратылды. Депутаттар Камчыбек Ташиевди, Садыр Жапаровду бошотуу, "Кумтөрдү" улутташтыруу талаптарынан башка Жалал-Абаттагы бир алтын кенин да улутташтыруу талабын айтышты.

Митингге 3 миңдей киши катышты. Ошондой эле митингге вице-премьер-министр Камила Талиева, Жогорку Кеңеш депутаты Ахматбек Келдибеков, "Бүтүн Кыргызстан" партиясынын лидери Адахан Мадумаров жана муфтий милдетин аткаруучу Рахматулла ажы Эгембердиев да катышты.

Түп нускага шилтеме : www.vb.kg

Бир гана сайтта катталгандар пикирлерин жаза алат. Эгер катталган болсоңуз, анда аккаунтуңузга кириңиз.
катталгандар гана колдонуучулар "ЖМКларга даттанууларды териштирүү комиссиясына" арыздана алат. Эгер сиздин аккаунтуңуз бар болсо, анда кириңиз.

Азырынча бир да пикир жок...