Latest articles

Токтогул сыйлыгынын кезектеги ээлери аныкталды

Бүгүн, 22-январда өкмөт үйүндө кезектеги лауреаттарга Токтогул атындагы мамлекеттик сыйлыкты тапшыруу аземи болот. Бул тууралуу “Азаттыкка” сыйлыктарды ыйгаруу комитетинин төрагасы Акылбек Абдыкалыков билдирди.

Бул жолу сыйлыкка Анатай Өмүрканов “Жалгыздык” ырлар жыйнагы үчүн, Акбар Рыскулов “Атакенин ак болот” тарыхый үчилтиги үчүн жана Турдубек Чокиев менен Гүлмира Эсенгулова “Алтын уя” балдар опереттасы үчүн татыктуу болгон.

Кыргызстандагы эң даражалуу Токтогул атындагы мамлекеттик сыйлык үч жылда бир жолу адабият, көркөм өнөр жана архитектура жаатындагы мыкты эмгектердин ээлерине тапшырылат. Жеңүүчүлөргө диплом, төш белги жана 100 миң сом акчалай сыйлык берилет.

Original url : www.azattyk.org

Only registered users can post comments. If you have account, please signin here.
Only registered users can post complaints. If you have account, please signin here.

No comments so far...